Өлеңдер ✍️

Кілт дейміз!
Кілт кеп қой өмірге.
Тіпті өмір сүруің өзі кілт.
Ақ қанат,
ақ жарқын көңілге
Түсірмей ақ мендей үзім бұлт.
Жер өзі адаммен ғана ғой,
Адамсыз өлі ғой табиғат.
Ол сені оятар,
салар ой,
Бірақ кілт адаммен табылмақ.
Тұрса өмір жақсы мен жаманнан,
Бір ісін біріне қырын ғып.
Бәрі де адамнан таралған,
Тек адам бәріне мұрындық.
О адам!
Сен үлкен сезімсің,
Ақылсың,
сабыр мен төзімсің.
Өмірдің сарқылмас көзі үшін
Бәріне мықты кілт өзіңсің!