Өлеңдер ✍️

  17.09.2021
  110


Автор: Тұрсынхан Әбдірахманова

Жаңалық

Елімде күнде бір жаңалық
Жатады эфирден таралып,
Жаңадан жасалып теңіздер,
Қосылып іске бір жаңа алып.
Тың ойлар, ірі ойлар қамдасып,
Әркімдер әр істе алға асып
Ғарыштар, алыстар жақындап,
Бүгінгі ертеңмен жалғасып.
Бүгінгі тың ойлар, жаңа ойлар –
Ертеңгі ырыс, бақ – талайлар
Елімде әр үйдің, төрінде
Күлімдеп болашақ арайлар.
Әр сағат, әрбір күн, түндері
Кейін қап өмірдің, бір белі,
Қисығы жолдардың түзеліп,
Ел – керуен жылжиды ілгері.
Жатқанда күнде өмір жаңарып
Адамның болар ма жаны арық!
Күн оған бас ие байыса,
Арайлап атады таң анық!




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу