Өлеңдер ✍️

  17.09.2021
  162


Автор: Тұрсынхан Әбдірахманова

Жасырма

Үндемедің, бірақ та көп қарадың,
Көп қарадың жанымды ноқталадың.
Көңіліңді ақтарып көзің айтса,
Соқырмын ба, сезбейтін жоқ па жаным!
Көп қарадың күйдірді от жанарың,
От жанарың сездің бе өрт саларын.
Азарлы жол кездессе кес-кестетен,
Асау жүрек қалармын соқпағанын.
Соқпағанын қалармын тоқтағанын,
Ауған көңіл айта алман тоқтамағын.
Тез тарайды арайы батар күннің,
Жанарыңды тайдырма, токта жаным.
Жанарыңды тайдырма, тоқта жаным.
Ұшқынынан кеудемде от жағамын.
Жанар сырын жасырма жария қыл,
Қиындықтың талқандап от қамалын.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу