31.08.2021
  179


Автор: Қазақ халық ауыз әдебиеті

Ұрпақ туралы қамқорлық

Бұхарадағы әншісымақ біреудің дауысын Әпенді мүлде ұнатпайды екен. Сол әнші ән сала бастаса, Әпенді ақырын ғана кетіп қалады екен.

Бір күні әнші мен Әпенді бетпе-бет кездесіп қалады, олар амалсыздан амандық-саулық сұраса бастайды.


— Мына жас бала кім болады? — дейді Әпенді әншінің қасындағы баланы нұсқап.


— Бұл менің балам, — дейді әнші. — Ән салуды өте жақсы көреді. Менен үйренуге тырысады. Құдай бұйыртса, өскен соң мен сияқты атақты әнші болар.


Әпенді мұңая күлімсіреп:


— Біз сіздің әніңізге үйрендік қой. Ал біздің ұрпақ не үшін жапа шегуі керек? — деген сияқты.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу