Әңгімелер ✍️

Жарау бестіге мінген сом денелі, адуын жігіт ауылдың шетіндегі бір қараша үйге атының басын тіреп:

— Уа, кім бар-ау? — деп дауыстапты.

Осы кезде үйден кең жауырынды, қаба сақалды қарт шығып:

— Балам қай туғансың? — деп сұрапты.

— Танысаң, адайыңмын, танымасаң, Құдайыңмын, — депті шіреніп.

Сонда шал:

— Руымды керей қылатын, өзімді кедей қылатын сенің неңді алып ем, бәлем, қолыма түстің бе? — деп тұра ұмтылыпты.