Әңгімелер ✍️

Қожаның есегі жоғалады. Ол көшеде жүріп бар даусымен жар салыпты:

— Менің меңі бар тамаша есегімді кім көрді екен? Кім есегімді тапса, мен сол есектің өзін сыйға тартамын және еңбек-ақысын төлеймін, — дейді.

Мұны естіген бірнеше адам:

— Егер сен есегіңді тапқан адамға сыйлайтын болсаң, онда неге босқа арам тер боп іздеп жүрсің? — дейді.

— Сендер жоғалып табылған малдың рақатын білмейді екенсіңдер, — деген екен Қожанасыр.