Әңгімелер ✍️

Қожанасыр есегін сату үшін базарға кетіп бара жатыр екен. «Болмашы нәрсеге алушыны қашырып алмайын», — деп есектің құйрығын кесіп алып, қоржынға бүктеп салыпты да, жүре беріпті. Базарға келген соң алушылар есекті айнала көріп:

— Әттеген-ай, есек оп-оңды, жақсы құсайды-ау, бірақ құйрығы жоқ, шолақ екен! — деп таңданысыпты.

Оған Қожанасыр:

— Ұнаса саудасына келісе беріңіздер, құйрығы қашпас, керек болса анау қоржында тұр, — депті.