23.08.2021
  215


Автор: Қазақ халық ауыз әдебиеті

Бірәлінің сөзден тосылуы

Торғай өңірінде атақты жылқылы бай атанған Бірәлі жолаушылап келе жатып, Сейдахмет шешеннің үйіне түсіпті. Шешен оған өз әлінше құрмет көрсетсе керек. Бай аттанарында:



— Сейдеке, сыйыңызға рахмет! Балаларыңыз да тәрбиелі екен. Осындай балдырғандардың ауызын аққа жарытпай қойған Алланың рақымсыздығын көрмеймісіз, — деп ақынның кедейлігін бетіне салық етпек болып, аяушылық білдіргенсиді.


Сонда Сейдахмет:


— Бірәлі, шырағым-ай! Осы қара борбайларға сауын болатын біраз бие айдатып жіберіп, Құдайды да бір ұялтсаңшы, — деген екен.


Сөзден тосылған бай еліне барған соң, шешенге сауындық бие жіберіпті.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу