Әңгімелер ✍️

... Тағы бірде Айдаш көрші ауылға мал ұрлауға келеді. Елдің алды жатып, арты ояу екен. Бұл жолы да қапысын тауып, ұстап алады. Ұрып-соғып, байлайын деп жатып, тағы да:

— Кім жіберді? Қай ауыл? Аты-жөнің кім? — деп сұрайды.

Не сұраса да әлгі ұры «әрине, әрине» дей беріпті. «Кім жіберді» десе «әрине», «атың кім?» десе «әрине» дейтін көрінеді.

Ауыл адамдары:

— Қой, құрысын, қараң өшкір. Әдейі ауылы «малды алса алар, алмаса ұсталар» деп тентегін жіберген ғой. Мұны қайтеміз, — деп босатып жібереді. Босанып атына мініп, сәл ұзаған соң Айдаш:

— «Малға келген ұры едік, «әринемен» құтылдық», — депті.

Ауыл адамдары санын бір-ақ соғыпты.