Әңгімелер ✍️

Қожанасыр бір баланы ертіп тәтті сататын дүкенге келеді. Алуаны алып балаға беріпті де, үйге апара бер, — дейді де, өзі дүкендегі басқа тауарларды қарай бастайды. Бала дүкеннен әбден ұзаған кезде барып Қожанасыр сатушыдан:

— Біреу сенен алуа алып, бірақ оның қалтасында ақша болмай қалса, не істер едің? — дейді.

— Жағынан шапалақпен тартып жіберер едім, — дейді сатушы, сосын қуып шығар едім.

— Онда мені аямай шапалақпен тартып жібер, — депті Қожанасыр.

Дүкенші шапалақпен тартып жіберіпті де, қуып шығуға бет алғанда, Қожекең:

— Егер сен алуаны осы бағамен беретін болсаң, онда мен алуадан тағы да алайыншы! — деген екен.