Өлеңдер ✍️

Ей, қалқа, хат жазамын ынта беріп,
Дос болар әркім сөзге тұрса берік-ай!
Жеріңе пәлен деген барар едім,
Аңдушы алты кісі тұрса келіп-ай!

Қайырмасы:
Ой, шіркін, қара жорға тисе қолға,
Салар ем тайраңдатып тақтық жолға.

Ей, қалқа, хат жазамын қаламменен,
Әрқашан адам күні адамменен-ай!
Батпаққа аяғыңды батырады,
Қалқатай, жолдас болма жаманменен-ай!

Қайырмасы:
Ой, шіркін, қара жорға тисе қолға,
Салар ем тайраңдатып тақтық жолға.