👈 қаріп өлшемі 👉

  Өлеңдер ✍️

  20.08.2021
  52


Автор: Қазақ халық ауыз әдебиеті

Қалиқан Оразғалиқызының шешесін жоқтауы

..............................
Басыма түсті уайым.
Жылады деп сөкпе, жұрт,
Жылаумен шерден шығайын!
Анам бір еді айдыным,
Жамылды желек қайғының.
Дүниеден өткен соң,
Ендігі күнім қай күнім?!
Анашым менің асылым,
Асқар тауым, асуым.
Артыңда қалып егіліп,
Көңілім жер боп жасыдым.
Анам бір еді берекем,
Ұялы терек көлеңкем.
Алыстан аңсап мен келсем,
Кім қарағым дер екен?!
Аяулы менің анам-ау,
..................................
Анамды әр күн ойлаумен,
Сарғаяр менің санам-ау.
Анашым менің айбатым,
Ақылды әрі қайратым.
Дүниеден анам өткен соң,
Ақылын айтар қай затың?
.................................
.................................
Опасыз өткен дүниеден,
Армансыз кеткен қай жан бар.
Ереннің биік тауындай,
Өсірдің анам қауындай.
Көзімнің жасы нұр болсын,
Себелеп жауған жауындай!


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы