👈 қаріп өлшемі 👉

  Өлеңдер ✍️

  18.08.2021
  65


Автор: Қазақ халық ауыз әдебиеті

Ақ көйлек

Ақ көйлек жыртылмайды, ей, кең болған соң,
Ойнайды екі жақсы, ей, ақ көйлек көңіл жай,
тең болған соң, айдой-әу.

Бұл жерге келмес едім, ей, келіп тұрмын,
Бұл жерде көңілге алған, ақ көйлек көңіл жай,
сен болған соң, айдой-әу.

Етегін ақ көйлектің, ей, бүрмелеген,
Ошаққа от жаға алмайды, ей, ақ көйлек көңіл жай,
үрмелеген, айдой-әу.

Бір күдік, әсте, ойымнан, ей, кетер емес,
Өзіңді біреу бұзып, ей, ақ көйлек көңіл жай,
жүр ме деген, айдой-әу.

Ақ көйлек, қара бешпент, ей, жарасымды,
Жан қалқа, кей мінезің, ей, ақ көйлек көңіл жай,
бала сынды, айдой-әу.

Көзіме сенен сұлу, ей, көрінбейді,
Үстіне жапсырса да, ей, ақ көйлек көңіл жай,
бар асылды, айдой-әу.


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы