Өлеңдер ✍️

Мұнысы не түсінбедім тағдырдың.
Неге сонша қинадың мені тәңірім?
Сүйгеніме берген дертті өмірде
Неге маған бермедің екен тәңірім.

Көз алдымнан кетпейді сенің елесің.
Бүгінгі жарым бұрынғыдай емессің.
Күн өткен сайын курап бара жатқанын
Көру қиын екенін сендер білмессің.

Араша тұра алады бұл дертке кім?
Мен үшін артық емес сенен ешкім.
Көнер едім жазаға да, қазаға да.
Айықтырса дертіңнен сені күнім

Ет жүрегім езілді, қан жылады.
Мұны біліп, халімді кім сұрады?
Сені ойлап күндіз - түні саулық тілеп,
Тұла бойым, гүл көңлім қалжырады.