Өлеңдер ✍️

Ыстық екен туған жердің ауасы,
Топырағы, тіпті жердің әр тасы.
Туған жерден жырақ жүріп дерттенсең,
Туған елің сол дертіңнің дауасы.

Саған арнап әр әнімді, жырымды
Өтермін мен саған шағып мұңымды.
Сенде жүріп еш білмедім тынымды,
Саған айтам әнімді де, сырымды.

Уа Туған жер сағындым ғой қырыңды,
Сен жырлаған әсем ән мен жырыңды.
Сенен ыстық жер бар ма екен жаһанда?
Тарттым сенің азабыңды, мұңыңды.

Ей туған жер қадіріңді кім білер?
Сенің күшті құдіретіңе кім сенер?
Туған жерден алыс жүрген әр адам
Сен жайлы сыр шертер, қадіріңді сол білер.