Өлеңдер ✍️
  01.08.2021
  101

Автор: Ұлықбек Есдәулет

Тағдыр

Қандай қыстың боларын
алаш қайдан бiледi?
қандай құстың қонарын
ағаш қайдан бiледi?

Көздi ашып-жұмғанша,
өте шығар жыл қанша,
басыларсың бұрқылдап,
мосыдағы құмғанша.

Тiрiге жоқ тыныштық,
өмiр бiрақ тым ыстық,
кеудең шерге толмайды
жаратқан соң қуыс қып.

Түс көресiң, демалып,
тiстенесiң оянып,
бұлдырайды дүние,
көз жасыңа боялып.

Шимайланып қағазы,
тiрлiк саған наразы,
сенiң кiнәң емес қой
қисық болса таразы.


  тағдыр өмір тірлік Ұлықбек Есдәулетов Ұлықбек Есдәулетов шығармашылығы Ұлықбек Есдәулетов өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Бала достар ᐈ
  Назымға ᐈ
  Ақын деген бір ұлт бар ᐈ
  Бiз өткенде... ᐈ
  Жанартау ᐈ

Пікір жазу