👈 қаріп өлшемі 👉

  Өлеңдер ✍️

  29.07.2021
  46


Автор: Сырбай Мәуленов

Миллиард

Алып күшті диқандар шың тұлғалы,
Жатты ма әлде жыр жазып тың туралы.
Қара мақпал қою түн қойынында,
Жер оттары жұлдыз боп жылтылдады.
Миллиард үшін басталып жаңа жорық,
Бірге аттанды кәрі, жас бала болып.
Қызыл қырман таулары қырда орнап,
Тербетілді тың күйге дала толып.
Құбылмалы болса да күз ызғарлы,
Жылытты оны диқанның қызу қаны.
Жал-жал болып жонында аңыздардың,
Комбайншы ерлердің ізі қалды.
Бір мен миллиард қанша алыс аралары,
Біледі оны кішкене бала-дағы.
Бірден бастап миллиардты жалғыз аттап,
Жанды бүгін қайтадан дала бағы.


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы