Өлеңдер ✍️
  29.07.2021
  136

Автор: Сырбай Мәуленов

Қайда жалғыз қарағай

Қайда досым, оқ тиіп,
Қара жерді қаусырған.
Қайда жалғыз қарағай
Қанжардай тіке шаншылған.
Көзімді ашсам бірі жоқ,
Өңім бе, әлде түсім бе?
Өкініш, шіркін, өрт болып,
Лапылдап жатыр ішімде.
Әкетті қайран досымды
Доп дауылы үйіріп.
Құлады жалғыз қарағай
Қыршынынан қиылып.
Не айтам елге барғанда,
Досымды алдым жоғалтып.
Жүремін енді майданда
Екі адам үшін оқ атып.


  Қарағай дос майдан оқ сырбай мәуленов Сырбай Мәуленов шығармашылығы Сырбай Мәуленов өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Лениннің Машуктегі ескерткіші ᐈ
  Аэростат туралы жыр ᐈ
  Әскери марштар ᐈ
  Екеу туралы баллада ᐈ
  Көгершін ᐈ

Пікір жазу