Өлеңдер ✍️

  28.07.2021
  115


Автор: Сырбай Мәуленов

Бүркітті

Көкшетаудың қасында
Биік емес бұл тіпті,
Бұлты да жоқ басында,
Бірақ аты Бүркітті.
Одан сонша кім күткен
Сыр бар деп бір ғаламат,
Ұя салған бүркіттер
Бүркіттіні қалап ап.
Боранды да қарсы алып.
Желде бойы жеңілдеп,
Балапандар ән салып,
Су ішеді, жемін жеп.
Көрші таудан бұлт ауып,
Кетсе кенет күн жауып,
Сілкінеді бұрқанып
Қапаттарын бір қағып.
Жаңғырығын кетеді
Сол мезетте Бүркітті.
Бүркіттердің мекені
Қасиетті бұл құтты.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу