Өлеңдер ✍️

  28.07.2021
  78


Автор: Сырбай Мәуленов

Целиноград

Целиноград — гүлдер,
Жаралған махаббаттан.
Целиноград — үйлер,
Қаланған қат-қабаттан.
Целиноград —
Күмбездер күн терезелі,
Целиноград —
Көк Есіл —
Даланың өр өзені.
Целиноград — ақ бидай, ала тары,
Арқаның ар, атағы.
Целиноград —
жерімнің ақ пейілі,
Елімнің алақаны.
Целиноград —сан ұлтты ел еңбегі,
Бар онда шеберлердің қол өрнегі.
Целиноград — күйлері Тәттімбеттің,
Целиноград — Сәкеннің өлеңдері.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу