Өлеңдер ✍️

  28.07.2021
  118


Автор: Сырбай Мәуленов

Хоронгон

(Боки Рахим-Задаға)
Күз салса да құрығын,
Жүдемеген жұтап тал.
Мүйізіндей бұғының,
Бунақталған бұтақтар.
Қарауытқан іңірдей,
Хоронгонның биігі.
Төбесінде тілімдей,
Қалыпты айдың қиығы.
Үндемейді сыр ашып,
Тұйық жеті қат көгі.
Шалқасынан тұр ашық,
Көгілдір көк дәптері.
Жазып жұлдыз өлеңін,
Сол дәптерді тауыспақ.
Бітірген бір бөлегін
Оқиды өзен дауыстап.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу