Өлеңдер ✍️

  28.07.2021
  120


Автор: Сырбай Мәуленов

Нева толқындары

Сонау түнек заманда
Еркін құлаш соза алмай.
Тұрды Пушкин жағаңда,
Нева, сенен көз алмай.
Мың адамның кескіні
Арпалысып ойыңда.
Жүрді Гоголь кешкілік
Нева, сенің бойыңда.
Түстің қиын күндерде
Төсегіңнен мың аунап.
Жүрді Блок түндерде,
Нева, сенен жыр аулап.
Жырдан үлес мол алдың
Дей алмассың олқым бар.
Ойлары ғой солардың
Төсіңдегі толқындар.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу