Өлеңдер ✍️

  27.07.2021
  56


Автор: Сырбай Мәуленов

Емен

Белорустың жерінде,
Басын иіп сәл төмен.
Бір ой салып көңілге,
Тұр сыбырлап қарт емен.
Соғыс жылы денесін
Өтіпті оқтар жаралап.
Қабығынан көресің
Бұжыр-бұжыр қара дақ.
Ол да үлесін қосыпты,
Туған кезде елге сын.
Жауған оққа тосыпты,
Қалқан етіп кеудесін.
Бұтағына асылып,
Қарапты ерлер қарауыл.
Жапырақпен жасырып,
Болыпты әр кез пана бұл.
Айырыпты меже боп
Өмір, өлім арасын.
Партизандай өр өжет,
Тұр ол сипап жарасын.


Мақала ұнаса, бөлісіңіз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз.
Жақсы