Өлеңдер ✍️

  26.07.2021
  176


Автор: Сырбай Мәуленов

Бүркіт

I
Мұзды балақ қыран бүркіт
Жайлаған тау қиясын.
Бұзса дұшпан долданатын,
Бауыр басқан ұясын.
Қос қанаты қара дауыл,
Соқтыратын ашулы.
Қаныпезер қастарына,
Түсіретін жасынды.
II
Ұмтылды жау ұямызды
Бұзамын деп ойланып.
Шықтық жауға, қыран бүркіт
Тәрізденіп, долданып.
Күнге ұласқан қиямызға
Жаулар жетіп бара алмас.
Бауыр басқан ұямызға
Қанды шеңгел сала алмас.
1941




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу