22.07.2021
  118

Автор: Өтепберген Ақыпбекұлы

Қарашықтай қалашық

Қала iшiнде,
Қала бар.
Қонағы оның - балалар…
Нән қамалдар,
Сәндi үйлер,
Ертегiге барабар…

Жүрегiме тұнып ән,
Қараймын да қызығам:
Салынғандай бұл қала,
Хрусталь мен шыныдан…

Мұз қалашық өркендеп,
Шат күлкiмен көркеймек…
Алаңдаймын:
Мұз-әйнек,
Сынып кетпесе екен деп…

Өзгеше ғой мынау қыс,
Шынығамыз – тұмаусыз…
Қарашықтай –
Қалашық,
Салғандарға мың алғыс!..


  Қарашықтай қала қалашық Өтепберген Ақыпбекұлы шығармашылығы

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Президенттiк шырша ᐈ
  Қысқы түн. Өлара... ᐈ
  Әнші қыс ᐈ
  Мұз-палуан ᐈ
  Боран ᐈ

Пікір жазу