22.07.2021
  177


Автор: Бақыткерей Ысқақ

Таудағы жайлау

Аққудай ауыл тізіліп,
Қонғанда жасыл жайлауға,
Көмейден үні үзіліп,
Шығады құстар сайрауға.

Сыңғырлап күміс шашбауы,
Құшағын ашып жүгіріп,
Келеді таудың бастауы
Табанын тасқа тілдіріп.

Жүреді көкте қыраны,
Аралап тау-тас, шатқалды.
Тербетіп самал тұрады
Баурайы жасыл бақтарды.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу