Өлеңдер ✍️

  21.07.2021
  424


Автор: Бақыткерей Ысқақ

Қараөткелде, Ақмола

Қараөткелде, Ақмола,
Тұрған Бабам - жалауы.
Целинаград - бұл қала
Астананың - атауы!
Өткенменен, кеткеннің,
Өнегесі - өрісті.
Бұл қалаға жеткеннің
Жүрген жолы жемісті.
Арғын жайлап - аспандай,
Қыпшақ жаққан - жұлдызын!
Керей, Уақ - ақ маңдай
Найман жапқан - құндызын!..
Құт мекені - Қазақтың,
Жер ұйығы аталған.
Туын тігіп - азаттық
Бар Әлемнен - бата алған!
Арғы бетпен, бер жақты,
Жалғастырған - Көпірлер!
Салмақты ісі - жан- жақты
Астанама -
Өмір бер!




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу