Өлеңдер ✍️

  19.07.2021
  158


Автор: Тұрмағамбет Ізтілеуұлы

Қолдауға

Отырмыз ұшырасып інім Қолдау,
Баласың байқауымда зейілің молдау.
Жаның сау, жағаң бүтін болып тұрса,
Қолыңнан келер көптің ісін оңдау.
Отырмын өкініштің ортасында,
Мақсұтымның мезгілінен қалып сондау.
Жағдайым және дағы болмай отыр,
Күн суық болған үшін көше тоңды-ау.
Айтпаймын өтінішті үркек ерге,
Отырып он саусағым дейтін оңдау.
Берер ме еді шай қайнатып самаурынмен,
Бір үйге ертіп барып етсең омырау.
"Досыңды қиындықта сына" деген,
Сыр беріп сылдырлатып, таңса қоңырау.
Қалайда ер бүлінбей білінбейді,
Жарамайды жаңа өспірім ерге бобырау.

1935.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу