Баталар ✍️

  19.07.2021
  536


Автор: Қазақ халқының баталары

Сапар-жорық батасы

Жат жұрттан теперішті көп көріп, əккі жау, айлалы дұшпаны аяғынан көп шалған қазақ халқы сапарға, жорыққа аттанар алдында бауыр-туыс, ел-жұртын жиып, ақсақалдары мен аузы дуалы білікті кісілерінен міндетті түрде бата алуды дағдыға айналдырған. Бұл сол қариялардың айтқаны келіп, сапарым оң, жорығым сəтті болса екен деген игі тілек негізінде қалыптасқан. Мұндайда батагөй қариялар:


– Жортқанда жолың болсын,


Сапардың оңын берсін,


Тұлпардың тоғын берсін,


Жігердің шоғын берсін!


Бет алдың оң болсын,


Мəртебең зор болсын,


Дұшпаның қор болып,


Алды-арты ор болсын!


Жолың ашық болсын,


Жауың қашық болсын,


Мерейің тасып-толсын,


Аман-есен қауышу


Барымызға нəсіп болсын!


Аллаһу акбар! –деп бата береді.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу