Өлеңдер ✍️

  13.07.2021
  102


Айсұлу Рүстемова‎

Сағыныш

Күрсінісіп тікені, изендері,
Көріне ме көн кеуіп, күйзелгені?
Көш барады ботадан ұзағырақ,
Адаса ма, сол бота із көрмеді.
Түйежапырақ таңданған, пейіліменен
Сағымынан жұтады сейілмеген.
Шағыл-шағыл емес-ті, сағыныш-ты,
Алыс қалған арман-ды кейін менен.
Тұр ма әлі тақырға тамшы тамбай?
Бұлт аунаса бақытқа малшынардай,
...Шегенделген құдықта қалған су бар,
«Жамантұзда» жамандық таусылар ма-ай?*
*Қарақұмда «Жамантұз» деген жер бар еді,
сол жерде ылғи бір жаман жағдайлар
болады деп ел қондырмайтын.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу