👈 қаріп өлшемі 👉

  Өлеңдер ✍️

  01.07.2021
  25


Автор: Фариза Оңғарсынова

Теңізбен кездесу

Кеудеңмен көтерсең де нелер жүкті,
қыңбайсың, паш етесің тек ерлікті.
Мен де бір тылсымдарға бет алып ем –
бер маған өзіңе тән тереңдікті!
Теңізде сынға түсу – бұл бір үміт!
Сұлу қыз кеме үстінде, құрбы жігіт.
Шетінен батыр мінез, толқын қылық –
оларға теңіз жатыр құлдық ұрып!
Кемелер тізілгенде, жарасып ән,
дәм таттық балығынан – бал асынан.
Түнгі оттар жылтылдайды, тұрғандай бір
қала өсіп толқындардың арасынан.
Жүрсем де ойша талай қамалды алып,
сендегі күшті көріп, қалам налып.
Балапан бойымдағы қайсарлықты
алмасам болмайды екен саған жанып!

1960


Мақала ұнаса, бөлісіңіз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз.
Жақсы