Өлеңдер ✍️

  28.06.2021
  283


Автор: Шәмші Қалдаяқов

Сыған серенадасы

Тулаған қаны бар
Тұлпар да табылар,
Үміт болса;
Күн туса басыңа,
Мойыма, жасыма,
Жігіт болсаң!

Қайырмасы:
Толқысын шартарап, тасышы, тебіренші,
О, гитара!
Ей, жан серігім,
Төгілсін күй тарап!
Жаның тарықпасын,
Ән қалықтасын!
Қайран басың, ғаріп басың,
Көзіңді жұмбай қамықпасын.

Қайнаған қаны бар
Қалыңдық табылар.
Үміт болса;
Шаттықты уыстан
Шығарма, туысқан,
Жігіт болсаң!

Қайырмасы.

Сәні бар, әні бар
Дәулет те табылар.
Үміт болса;
Досыңа, ғашыққа
Бәрін де шашып бақ,
Жігіт болсаң!

Қайырмасы.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу