Өлеңдер ✍️
  15.06.2021
  184

Автор: Қасым Аманжолов

Қарындасым Марпуға

Аялаған айдын көл де,
Ұқсап бейне аққуға,
Астанаға келдің сен де,
Қарындасым Марпуға.

Есіңде ме сона бір жыл,
Оқушы едің рабфакта,
Сен қызыл гүл, мен жас бұлбұл,
Кездесіп ек бір бақта.

Сол бір баққа көрік беріп,
Сен құлпырып жайнаушы ең,
Құлпырғаның қызық көріп,
Мен құбылтып сайраушы ем.

Сенің гүлдей дидарыңнан
Бақыт нұрын көруші ем,
Махаббатты жас жанымнан
Жырлар жазып беруші ем.


  қарындас жыр Қасым Аманжолов Қасым Аманжолов шығармашылығы Қасым Аманжолов өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  С...ға ᐈ
  Фатимаға жазған хаттан ᐈ
  Мен табиғат бөбегі ᐈ
  Алма бағында ᐈ
  Құз ᐈ

Пікір жазу