👈 қаріп өлшемі 👉

  Өлеңдер ✍️

  13.06.2021
  95


Автор: Ілияс Жансүгіров

Кинода

Лыпылдап жүрді жүрек экранда,
Көрсетіп бар мәзірін көрген жанға,
Қолымды қолтығыңа қыса отырып,
Қызықтап экранға көз салғанда.
Машина зыр-зыр қағып жүріп кетті,
Міне, шыға шапты бірнеше атты.
Әнеки, есік ашып бір қыз кірді,
Әне-анау соқты тасқа толқып қапы.
Мінеки, терек тербеп дауыл соқты,
Әне бұлт, мынау жылқы, — жауынға ықты.
Осындай ұйқы-тұйқы сұлу сурет,
Сезбедім бірде-бірін не боп шықты?
Әуре еді ойым, көңілім бір сенімен,
Суреттің болмады ісім жүргенімен,
Суретің жүрегімде жатты жүріп,
Күш алып қолымдағы білегіңнен.


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы