Өлеңдер ✍️

Прикамье —

Көнелердің көзіндей,

Көреді ол бар ұлтты да өзіндей.

Көпті кешкен абзал жаны алаңдап,

Ақ танды да атырады көз ілмей...

Прикамье —

Көрген өмір жоқтығын,

Бүгін сенің

Биік тұр ғой,

Шоқтығың!

Байлығының көрсеткендей көптігін,

Бұлақ аунар

Домналардан от — бұрым.

Кама үстінде —

Қалғып кетіп күміс күн,

Күмбезіңнен

Жымыңдайды мың ұшқын...

Қала ішін жәрмеңкеге толтырып,

Ағылады заводтардан жұмысшың.

Әнге тұнып ырғалады орманың,

Білем,

Сенің — қайсар дейтін,

Өр жаның.

Орындалып жатыр бүгін бәрі де,

Кешегі бір жете алмаған арманың!..