Өлеңдер ✍️

  11.06.2021
  53


Автор: Ілияс Жансүгіров

Жыбырлақ

Көңілім қорқақ,
Тілім шорқақ,
Мінсіз емес бозбала!
Өнерім аз,
Сен өнерпаз,
Тапқан лаж, қозғалма!..
Аттап кетсең,
Таппай сөксең,
Қиянат маған, өте обал.
Жүйрік жасқа, Замандасқа
Қас қылмасқа қолымды ал!
Ақын емес,
Ақылды емес,
Мақұл да. емес адаммын.
Ауа қонса, Қисық болса
Айыбы қанша қаламның?
Сынға салдым,
Шынға салдым,
Жас талапкер өзіңе!
Сынағанда, Шулағанда,
Қисығын айт өзіме!
Көкірегі ашық,
Көпке ғашық,
Анық менің құмарым.
Айналмаса,
Ойланбаса,
Иланбаса жырларым...


Мақала ұнаса, бөлісіңіз:


Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз.
Жақсы