Өлеңдер ✍️

  07.06.2021
  17


Автор: Асаба (тамада)

ЖИЫРМА БЕС

Жиырма бес-сенің басыңа қонған бақ құсы


Жиырма бес-сенің ар-намысыңның сақшысы.


Күрестер күтіп,


Құлшынасың сен самғауға,


Қуаттан сендік қуырылар жердің апшысы.


Жиырма бес деген – жалынды дәурен шырыны,


Жиырма бес деген – дүниенің дүрмек қызығы.


Бойдақтығың да қала алмас бойың тасалап,


Құрық боп түсер арудың бұлғақ бұрымы.


Жиырма бес деген – жөңкілген толқын, тәтті арман,


Өзіңді іздеу өркенді болақтардан.


Аңсатар кейде балалық кезең, бал сәтің,


Қолдарын бұлғап, қиырда қимай қап қойған.


Я Жиырма бес деген-жігітіңнің арқауы


Алдағы күнді, асу мен шыңды аңсауы.


Сағынышың ол, қызға қүштар, жырға әуес,


Буырқаныспен арайлап атар әр таңы.


Жиырма бес — қыран шығатын самғап шыңдарға


Мойымас тіпті тосыннан келген сындарға.


Тербете білгін жердегі бақыт желкенін,


Жүректің отын ұсынып келер жылдарға.


Шағын бұл, досым. жапырақ жайған желкілдеп,


Жиырма бесін түр:


Жадыра, жайна, серпілдеп.


Бәрі де алла.


Шындарға самға тілерім,


Кешетін ғұмыр,


Жасайтын жылдар болсын көп!


Мақала ұнаса, бөлісіңіз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз.
Жақсы