03.06.2021
  353


Автор: Жібек Ысқақова

САЛЫСТЫРМАЙМЫН

Салыстырмаймын
Бұрынғы мен қазіргі бұл заманды,
Қарсы қойған адамдар мен адамды.
Технология дамығанмен бұл таңда,
Жалқаулық жайлап алғандай бар ғаламды.

Сылыстырмаймын
Бұрынғы мен қазіргі бұл заманды,
Ажырата алмайтын жақсы менен жаманды.
Ақшасы барлар сөйлейтін қазір бұл заман,
Құтылып кетер өлтірсе де адамды.

Салыстырмаймын
Бұрынғы мен қазіргі бұл заманды,
Сыртқа тепкен ардақты ата-анаңды.
Қарттай үйі күн өткен сайын толуда,
Жағымсыз дүние жаулап ап ой мен санамды.

Салыстырмаймын
Бұрынғы мен қазіргі бұл заманды,
Баласын тастар қайтейін "көкек анаңды!"
Жетімдер үйі бой көтеріп әр жерден,
Жаулап алды-ау сәбидің үні даламды.

Салыстырмаймын
Бұрынғы мен қазіргі бұл заманды,
Қатыгез еткен ұл-қызың мен балаңды.
Анасы мен әкесіне қол жұмсар,
Көріпте жүрміз мейрімсіз бала-шағаңды.

Жібек Искакова



Әлеуметтік желілерде бөлісіңіз:
Facebook | VK | WhatsApp | Telegram | Twitter

Комментарии

Алтын А.
Алтын А. 05.06.2021 06:44
Керемет! Шындық. Қазіргі уақытта қоғамда болып жатқан өте өкінішті жәйттар. Алла жастарға сана берсін. Жібек қызым, шығармашылық жетістіктерің көп болсын. Әрдайым өзіңе сәттілік серік болсын.

Пікір жазу