Өлеңдер ✍️
Өлеңдер ✍️
31.05.2021
158
Бола бермес бәйгеде әркім алды
Бола бермес бәйгеде әркім алды,
Жетем деген көп жерден көңілім қалды.
Қақсам болдым барында қанатымды,
Бақсам болды әлпештеп балаларды.
Болам деген ойым жоқ мүлдем ірі,
Қуанышым өлкемнің гүлді өңірі.
Келер елдің бағындай көрінеді
Немеремнің бір нәрсе білгендігі.
Көтерілем, көбейем көп себептен,
Ешкім жоқ қой дүниеден ән сап өткен.
Бәрін көріп көзіммен, ал сөзіммен
Көмектесіп соларға кетсем әттең.
бәйге көңіл бала Тұманбай Молдағалиев Тұманбай Молдағалиев өлеңдері Тұманбай Молдағалиев шығармашылығы
Әлеуметтік желілерде бөлісіңіз:
Facebook | VK | WhatsApp | Telegram | Twitter