Өлеңдер ✍️
  31.05.2021
  751

Автор: Қадыр Мырза Әли

Бәрі де, Ана

Бәрі де, Ана,
Бір өзіңнен басталды.
Сен деп жаздым алғаш өлең дастанды.
Қуандым ба,
Өзің бар деп қуандым.
Жыладым ба,
Өзің жоқ деп жас тамды.
Бәрі де, Ана,
Бір өзіңнен басталды.
Жанарыңнан көрдім алғаш аспанды.
Еркелесем, бір өзіңе еркелеп,
Жасқандым ба,
Тек өзіңнен жасқандым.
Алғашқы дәм, ол да сендік сүт еді,
Ақ сүт берген қашанда үміт күтеді,
Отанымның өзі сенен басталып.
Жауларыма жеткен жерден бітеді.


  ана қуаныш еркелеу Қадыр Мырза Әли Қадыр Мырза Әли өлеңдері Қадыр Мырза Әли шығармашылығы

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Арман ᐈ
  Жаңбырдан соң ᐈ
  Күз ᐈ
  Қыс ᐈ
  Мұңайма мама ᐈ

Пікір жазу