Өлеңдер ✍️
  30.05.2021
  268

Автор: Қадыр Мырза Әли

Жантая құлар болсаң қыз демінен

Жантая құлар болсаң қыз демінен,
Жаяды жасыл көктем түзге кілем...
Бейкүнә ғұмырнәмәм тұрады ылғи
Бітпейтін жұмыстардың тізбегінен.
Жастық деп,
Жігіттік деп жалындасаң,
Тер төктім қиындықтың жолында сан.
Білгенім жұмыс қана,
Еңбек қана,
Көрген жоқ ғұмыр бойы қолым босап.
Демалыс күткен емен келер күннен.
Білмейді тынығуды өнер мінген.
Қалғандай шахта астында
Түбінде осы
Жұмыстың астында қап өлермін мен.


  жұмыс жастық еңбек Қадыр Мырза Әли Қадыр Мырза Әли шығармашылығы Қадыр Мырза Әли өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Жарқыншақ түспеу үшін жыр бетіне ᐈ
  Көңіл үшін, шіркін-ай, қажет еді ᐈ
  Оңашада әлдилеп ойдың гүлін ᐈ
  Сезімнің жапырақтай семді гүлі ᐈ
  Тұрған кезде далам аман ᐈ

Пікір жазу