Өлеңдер ✍️

Өмірдегі не бір жайсаң,
Қасқаның,
Қарап тұрсаң,
Ғұмырлары қас қағым.
Бәрі өткінші,
Бәрі, бәрі баянсыз,
Азды-көпті ақылыңнан басқаның...
Қарап қалған заман емес айлыққа,
Қиындықтың құқайынан қаймықпа.
Бәрі өткінші,
Бәрі, бәрі баянсыз,
Әсіресе, сенбеу керек байлыққа!
Бір күндері
Әділдікке мұң шағып,
Бал жеп жүріп у жұтқандар қаншалық!
Хан сарайдан артық үйі кедейдің
Төбесінен тұратұғын тамшы ағып.
Неге керек алтын торға қамалып!
Жұмыс істе!
Рақат көр, дем алып!
Адамға түк жараспайды,
Адамға
Жарасады жалғыз ғана даналық!