👈 қаріп өлшемі 👉

  Өлеңдер ✍️

  26.05.2021
  66


Автор: Қадыр Мырза Әли

Қызық кезде ойлайды өлімді кім

Қызық кезде ойлайды өлімді кім!
Уыз нұрын сауады желінді күн.
Жұмысыңның басында жайдарымын,
Дастарқанның басында көңілдімін.
Сілтеп алып сыраңды, бозаңды да,
Сөйлеудейін сөйлеймін,—
Сөз алдым ба?!
Сәйгүлігін ойнатқан шабандоздай
Сөз тұлпарын билетем көз алдыңда.
Қайғы-мұңды қабақтың бұлты деген,
Күйдірмелік көңілді сілтіменен.
Жеңгейлердің жүзіне шаршап жүрген
Массаж жасап беремін күлкіменен.
Иә солай,
Күлкіден гүл өремін.
Күннің солай өткенін тілер едім.
Жарқ-жұрқ етіп,
Жадырап көп ішінде,
Оңашада отырып түнеремін!


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы