👈 қаріп өлшемі 👉

  25.05.2021
  84


Автор: Қадыр Мырза Әли

Хат тасушы

Күндіз-түн, қарашы,
Жоқ онда демалыс.
Жүректер арасы —
Ең жақын, ең алыс.
Сыйғызған көп елді
Болса да әлем кең,
Көңіл мен көңілді
Жалғайды сәлеммен.
Дәрігер демейді
Оны жұрт,
Е, мейлі!
Ауруды ол кейде
Хатпен де емдейді.
Қары да талады
Мереке кездерде.
Сумкасы толады
Ең ыстық сөздерге.
Ыстық сөз!
Лайым
Суық сөз болмасын!
Тасуға ол дайын
Шаттықтың тоннасын!


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы