25.05.2021
  177

Автор: Қадыр Мырза Әли

Хат тасушы

Күндіз-түн, қарашы,
Жоқ онда демалыс.
Жүректер арасы —
Ең жақын, ең алыс.
Сыйғызған көп елді
Болса да әлем кең,
Көңіл мен көңілді
Жалғайды сәлеммен.
Дәрігер демейді
Оны жұрт,
Е, мейлі!
Ауруды ол кейде
Хатпен де емдейді.
Қары да талады
Мереке кездерде.
Сумкасы толады
Ең ыстық сөздерге.
Ыстық сөз!
Лайым
Суық сөз болмасын!
Тасуға ол дайын
Шаттықтың тоннасын!


  Хат тасушы хат Қадыр Мырза Әли Қадыр Мырза Әли шығармашылығы Қадыр Мырза Әли тақпақтары

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Ғибрат ᐈ
  Мазақтамалар ᐈ
  Хикая ᐈ
  Мешін және Адам ᐈ
  Жақ ᐈ

Пікір жазу