25.05.2021
  212


Автор: Қадыр Мырза Әли

Үй қалаушы

Қалаушының, байқасаң,
Тым биікте тұғыры.
Соған түсер әр қашан
Ең алдымен күн нұры.
Өзгелердің бас қамын
Өз қамына ол балайды.
Үймен бірге
Басқасың
Қуанышын қалайды.
Жұмыс қызған шақтарда
Желмен шашын тарайды.
Іске қыры жоқтарға
Төбесінен қарайды.
Түскі асын күндегі
Түу биікте ішеді.
Күннен күнге
Еңбегі
Жоғарлата түседі.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу