👈 қаріп өлшемі 👉

  25.05.2021
  52


Автор: Қадыр Мырза Әли

Жылқышы

Алағай да бұлағай
Ақ боранда, суықта
Атқа қонса бұл ағай,
Арымайды жуықта.
Қас батырдай пішіні
Құйып қойған еріне.
Киген қасқыр ішігі —
Қатты ескерту бөріге!
Солқ-солқ етіп тынымсыз
Соғады аты бүйірін.
Сетінетпей, шығынсыз
Сақтайды сау үйірін.
Жөн таппаса, оңай ма!
Жылқысымен ықтайды.
Жұт дегеннің
Алайда
Жұртынан бір шықпайды.
Уф!— деп ақыр соңында,
Кешсе бұлттар жабағы,
Күнмен бірге оның да
Ашылады қабағы.


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы