Өлеңдер ✍️
  24.05.2021
  223

Автор: Қадыр Мырза Әли

Борсық

Қулықпенен табады
Қорегінің өзін де.
Құйрыққа ауыз салады
Қойлар жатқан кезінде.
Түндерін ол өткізер
Сол құйрықты сорумен.
Күндерін ол өткізер
Жемтік-жемін торумен.
Жазын түгел өткізер
Қамсыз-мұңсыз сиқымен.
Қысын түгел өткізер
Қараңғы інде ұйқымен.
Бар ғұмыры осылай
Өтеді бір тер шықпай.
Сондықтан да, досым-ай,
Борсық деген борсықтай!


  борсық жануар Хайуанат Қадыр Мырза Әли Қадыр Мырза Әли шығармашылығы Қадыр Мырза Әли өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Кенгуру ᐈ
  Құмырсқа ᐈ
  Зебра ᐈ
  Шаян ᐈ
  Шымшық ᐈ

Пікір жазу