Өлеңдер ✍️
  21.05.2021
  454

Автор: Қадыр Мырза Әли

Күздің соңғы күндері

Өңі қашқан бәрінің,
Оңып кеткен атырап.
Қолдарындай кәрінің
Қалтырайды жапырақ.
Соңғы кезде жерге күн
Қырын қарап алыпты.
Қара бұлттар жөргегін
Кептіре алмай қалыпты.
Жұрттар үйде суықта,
Жұмыс біткен істеліп.
Өз билігін жуықта
Жүргізеді қыс келіп.
Жапырақпен жаматып
Тастағандай үстіміз.
Листовка таратып,
Жамандайды қысты күз.


  күз табиғат Қадыр Мырза Әли Қадыр Мырза Әли шығармашылығы Қадыр Мырза Әли өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Жапалақ ᐈ
  Аю ᐈ
  Күзде көлік жүгіреді.  ᐈ
  «Шенді мен шекпендіге, әкім – қараларға жалтақтап.. ᐈ
  Борсық ᐈ

Пікір жазу