Өлеңдер ✍️

  20.05.2021
  205


Автор: Роза Сейілхан

Жолықтың маған...

Жолықтың маған,
Мұңайып жүрген шақта бір.
Күз айы еді, төгіліп тұрды
Баққа нұр.
Біреуді бұлай ұнатпағалы
Көп болды,
Кеудемнен жаным шығып кетердей
Шаққа жүр.
Сезіммен сезім кезіккен,
Сол бір сағатта,
Моншақтай өлең төгіліп түсті параққа.
Отырдық үнсіз, көңілшек жасым көзімнен,
Тамып та кеткен тостаған толы шарапқа.
Мас болғым келген,
Шарапты түгел тауысып,
Тұрғанда жаным
шаттықпен бір сәт қауышып.
Балауыз шамдай жүрегім еріп баратты,
Өмірдің түсі өзгеше түске ауысып.
Өлең оқыдым,
Ұғатын сол ғой мені шын.
Әзірге менің жырымда ғана жеңісім.
Өмірден мынау өкінбей өтсек болғаны
Ол аса қажет, сен үшін және мен үшін.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу