17.05.2021
  91


Автор: Роза Сейілхан

Томаға-тұйық

Томаға-тұйық күн кешіп,
Жырымды жүрем жұбатып.
Санамды шайқап түн бесік,
Өмірді кеткем ұнатып.
Арманға сенгем алдамшы,
Жанардан саулап көлшігім.
Тұншығып іште жан даусы.
Бұлқынып барып көншідім.
Тағдырдың сыйын қабыл ап,
Осыған тәубе деген ек,
Бір Тәңір куә, жаным ақ,
Мен де бір көзсіз көбелек.
Не дермін, не деп кінә артам,
Жазғыруға да жоқ себеп.
Бір жанға үнсіз құмартам,
Дәл менше сүйіп кетсе деп.


Мақала ұнаса, бөлісіңіз:


Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз.
Жақсы